इंग्रजी शाळा किती गुणवत्तापूर्ण शिक्षण देतात ही 'झाकली मूठ' आहे आणि म्हणूनच पालकांना ती 'सव्वालाखाची' वाटते. मी अनेकदा उच्चभ्रू समाजातील मुलांसाठी चालवल्या जाणार्या IGCSC , IB , ICSC वगैरे बोर्डांशी संलग्न शाळांतील शिक्षकांसाठी कार्यशाळा घेतो. या शाळांची बालवाडीची फी च मुळी वर्षाला 75000/- ते 100000/- रुपयांच्या घरात असते. या कार्यशाळांतील माझा अनुभव असा की ज्या अडचणी जिल्हा परिषदेच्या शाळेतील शिक्षकांना जाणवतात अगदी त्याच अडचणी या ही शिक्षकांना आहेत. अभ्यास अभ्यासक्रमातील वा शिक्षण शास्त्रातील अनेक संकल्पनांमध्ये त्यांनाही अडचणी आहेतच. संकल्पनांवर काम न करता केवळ पाठंतर व सराव यावर भर असतो त्यामुळे त्यातून जेवढे शिकणे शक्य आहे तेवढे मुलांना येते. खर्या अर्थाने गुणवत्तापूर्ण शिक्षण म्हणजे काय हे पालकांना माहिती नसल्यामुळे पालकही या शाळांतील शिक्षणाला चांगले शिक्षण म्हणतात त्यामुळे पालकांचे शिक्षण हा भाग फारच महत्त्वाचा आहे
नीलेश
